ಕವನ

ಮನದ ಭಾವಗಳ
ಹರಡಿರುವ
ಚಿತ್ರಪಟ

ಸುಖ

ಹಣತೆಯ
ಕೈಯಲ್ಲಿ ಹಿಡಿದು
ಬೆಳಕನರಸುವಂತೆ
ಜೀವನದಲ್ಲಿ
ಸುಖ - ಸಂತೋಷಗಳ
ಹುಡುಕುವ
ಮೂರ್ಖತನವೇಕೆ!!!

ಕಣ್ಣ ಹೊಳಪು

ನಿನ್ನ ಕಣ್ಣಲೇನೋ ಹೊಳಪಿದೆ ಗೆಳತಿ
ಸೂಜಿಗಲ್ಲಿನಂತ ಸೆಳೆತವಿದೆ
ಎವೆಯಿಕ್ಕದೆ ದಿಟ್ಟಿಸುತ್ತಿರುವ ಅದರಲ್ಲಿ
ನನ್ನದೇ ಪ್ರತಿಬಿಂಬವಿದೆ!!!

ಮನದಾಳದ ಮಾತು

ಮನದಾಳದ ಮಾತುಗಳನ್ನ
ಮನಸ್ಸಿನಲ್ಲೇ ಬಚ್ಚಿಟ್ಟುಕೊಂಡ ತಪ್ಪಿಗೆ...
ಇಂದು ಅವಳು ...
ಬೇರೊಬ್ಬನ ಹೆಂಡತಿ..
ಇವನಿಗೆ ನೆನಪುಗಳೇ.. ಸಂಗಾತಿ!!!

ಏಕೆ?

ಸಂಭ್ರಮಗಳ ಹೊನಲು ಹರಿಯಲು ಬೇಡವೆನ್ನಲೇಕೆ
ಕಷ್ಟಗಳ ಸರಮಾಲೆಯ ಕಂಡು ಹೆದರಿಕೆ ಏಕೆ
ಪ್ರೀತಿಯು ಜೊತೆಗಿರಲು ಮೌನವೇಕೆ

ಕಾಲನ ಓಟ

ಕಾಲನ ಓಟವ
ತಡೆಯುವರುಂಟೇ
ಸಂಭ್ರಮವು.. ಸೂತಕವು..
ಎಲ್ಲವೂ.. ನಂಟೇ..
ಗೆಜ್ಜೆಯ.. ಹೆಜ್ಜೆಗೆ..
ನಿಲ್ಲುವರು ಉಂಟೆ..
ಉಳಿದಿದ್ದೆಲ್ಲಾ..
ನೆನಪಿನ.. ಗಂಟೇ..

ಸಾವು ನ್ಯಾಯವೇ?

ಕಣ್ಣು ಮುಚ್ಚಿದಳು ಹುಡುಗಿ
ಕಾಮಾಂಧರ ತೀಟೆಗೆ ಬಲಿಪಶುವಾಗಿ ..
ಕಣ್ಣು ಬಿಚ್ಚಲಿ ನ್ಯಾಯದೇವತೆಯು..
ಕೊಡುವ ಶಿಕ್ಷೆಗೆ
ಬೆಚ್ಚಿ ಬೀಳಲಿ ಕಿರಾತಕರು...
ಸಿಗಲಿ ನ್ಯಾಯವು ... ಸಾವಿಗೆ...
ಪಾಠವಾಗಲಿ ಪಾಪಿಗಳಿಗೆ...