ಪ್ರೇಮದ ಕಾಣಿಕೆ
---------------
ತವರೂರ ಹಸಿರಾಗಿ
ಹೊಕ್ಕ ಮನೆಯ ಬೆಳಕಾಗಿ
ನನ್ನ ಬಾಳಿನ ಸಂತಸದ ಚಿಲುಮೆಯಾಗಿ
ನನ್ನ ಹೆಗಲಿಗೆ ಹೆಗಲಾಗಿ
ಜೀವನ ರಥದ ಜೋಡಿಯಾಗಿ
ನನ್ನ ಯಶಸ್ಸಿನ ಮೆಟ್ಟಿಲಾಗಿ
ನನ್ನ ಹೆತ್ತವರಿಗೂ ಮಗಳಾಗಿ
ಬಂದಿರುವ ಪ್ರೇಮ ಮೂರ್ತಿಗೆ

ನಾ ಏನ ನೀಡಬಲ್ಲೆ ಕಾಣಿಕೆ

ಸಿಹಿ ಮುತ್ತುಗಳಿಂದ ನಿನ್ನನ್ನಲಂಕರಿಸಿ
ಬಾಹು ಬಂಧನದ ಹಾರವ ಅರ್ಪಿಸಿ
ಆ ಗಂಗಾಧರನಂತೆ ನನ್ನ ತಲೆಯಮೇಲೇರಿಸಿ
ಪ್ರೇಮದ ಕಾಣಿಕೆಯಾಗಿ ಮಗನನ್ನು ಮಡಿಲಲ್ಲಿರಿಸಿ
ಮೆರಸಿದರೆ ಸಾಕೇ.. ಎನ್ನರಸಿ.. ಪ್ರೇಯಸಿ